أحمي نفسك من الهاكرز

*احمي نفسك من الهاكرز*
اي حد فينا ممكن يتعرض لواحد من الهاكرز اللي ممكن يسرقوا ايميلك او الفيسبوك بتاعك او حتى ممكن يدخلوا لجهازك, فـ لازم تخلي بالك من كام حاجة كدا عشان تبقى فـ الامان.


- عشان تبقى فاهم انت اللي بتساعد الهاكر يدخل على جهازك او يسرقك, ازاي؟, فيه كذا طريقة بيستخدموها اشهرها "الصفحات المزورة" الهاكر بيصمم صفحة نسخة طبق الاصل من الفيسبوك مثلا و يغير حرف واحد فـ اللينك او ميبقاش دوت كوم, الفيسبوك لينكه الاصلي هوwww.facebook.com و بعد الدوت كوم بتلاقي الـ"/" مباشرة, اي فواصل تعرف ان دي صفحة مزورة و بعد كدا يخليك تخش على الصفحة دي بأي حجة بقى, عنوان مغري, "فيضحة معرفش مين", "سلحفاة برأس سيد قشطة", حاجة انت عايز تشوفها و اما تيجي تفتحها يقولك اكتب الباسورد و الميل و انت مش بتبص على اللينك تتأكد منه, فـ بدل ما الصفحة تطلع هتلاقيك دخلت على الهوم تاني و يبقى كدا الباسورد و الميل وصلوله.

- اوعى تكتب الميل و الباسورد فـ اي حتة إلا لما تبص على لينك الموقع اللي انت فيه و تتأكد 100% ان دا لينك صحيح و ليست صفحة مزورة.

- حاول متخليش كل اكونتاتك فـ الحياة ليها نفس الباسورد.

- متفتحش لينكات غير موثوق فيها, او تستقبل ملف و تنزله على جهازك من حد متعرفوش, ممكن هاكر يزرعلك حاجة فـ جهازك و يبعتلك ملف بعدها بـ فترة و لو انت فتحت الملف دا هيقدر يخترق جهازك.

- أمّن نفسك و الفيسبوك بتاعك و ميلك بوسائل الحماية اللي المواقع دي بتقدمهالك, في الفيسبوك هتلاقي حاجات جميلة جدا تحمي بيها نفسك زي مثلا (Login Approvals) و دي ميزة بتخليك لو حاولت تدخل من اي جهاز غير بتاعك يبعتلك كود على الموبيل تدخله يعني لو حد معاه باسوردك مش هيعرف يدخل إلا لما يسرق تليفونك كمان. grin emoticon
(كل الكلام دا هتلاقيه فـ الـ Settings > Security)

- استخدم دايما بروتوكول (https://) اغلب المواقع بتستخدمه لأنه بيشفر البيانات لما تتنقل من المتصفح بتاعك للسيرفر على النت, و دا بيحميك من اختراق الباسوردات بتاعتك.

- في مواقع مشهورة لتحميل البرامج و الافلام و الاغاني استخدمها و بلاش منتديات ابو نواف و المواقع العجيبة دي. grin emoticon

- استخدم برنامج Antivirus محترم و اعمل مسح دوري للجهاز بتاعك كل فترة, و متنساش تعمله ابديت اول باول عشان كل مرة بيسد ثغرات اكتر و بيتعرف على فيروسات جديدة.